انواع المرأة الحقيقة

ناس هاتقول ده كلام غلط ورأى معمم .معاك حق وانا معاك طبعا بس مره سألت واحد :أيه رأيك فى المرأه

رد عليا بجمله غريبه (وراء كل مصيبه امرأه)

فخلونا نحط نفسنا مكانه للحظات ونشوف ايه الى وصله للمرحله ده وهانبدأ بأول صوره للمرأه

الزوجه: لما تلاقى مراتك بدأت كلامها بكلمة يا حبيبى وكانت هاديه وناديه وسعاد أعرف أن الجنه اللى هى معيشاك فيها ده ما هى الا لحظات وهاتتحول لجحيم اول ما ليستت الطلابات تبدأ تتقال ويا ويلك يا سواد ليلك لو طلب واحد ما اتنفذش.

بس المرأه مش الزوجه بس ده كمان ….

الاخت: هى الشوكه المزروعه فى حياتك يعنى لو بتخطط لخروجه جامده مع اصحابك وبتحلم بيها كل ليله فوووووووووق هتلاقى باباك بيقولك وصل اخت للمكان الفلانى وخليك معاها ولو اعترضت أبواب جهنم ها تتفتح فى وشك مفاتيح العربيه هاتتصادر والمصروف ها يعمل دايت يبقى النصف ده غير الكلام اللى هاتاخده فى الراحه والجايه.

اما بالنسبه للأم: فالام هى الحنان كله والحب والاحتواء وكل الحاجات الجميله فى الدنيا بس الامر ما يسلمش واه من كلمة بس لما بتعمل حاجه غلط ما بتعرفش تسكت تلاقى ابوك عارف فى اقل من الفمتو ثانيه وفين يوجعك.

اما بقى الحماه: فهوصفهالك فى سطر واحد بس: تفضل تنكد عليك لحد ما يبانلك صاحب بشكل مباشر وغير مباشر.

ده هى وجهة نظر كتير من الرجاله فى المرأه بس ما تنكروش ان

الزوجه مهما كانت طلابتها بس كفايه انك تلاقى حد معاك يشاركك حياتك كفايه انها وقفت جمبك وانت لسه بتبتدى مشوارك أهتمت بيبيتك وحياتك وفرت لك الجو المناسب لانك تبدع فى عملك أهتمت بتربية الاولاد وده أعظم رساله مهما كانت طلابتها فمن غيرها البيت مالهوش اى طعم .

اما الاخت: أى نعم متعبه بس هى اللى بتقف جمبك لما بتعمل مصيبه وبتبقى خايف تقول لوالدك او والدتك هى اللى تدافع عنك مهما كانت الدنيا كلها ضدك ده غير انها كل اخبار البيت والعماره والاحياء المجاوره عندها فهى وكالة رويترز فى البيت كمان ما تنساش اهم ميزه ليها انها مظبطاك بأصحابها البنات .

الأم بقى: هى اصل حياتك كلها هى اللى بتشجعك علشان تبقى متفوق فى دراستك بتحبك بلا شروط لو جرحتها او ضايقتها بتدعيلك مهما اتألمت او تعبت منك بتفضل تحبك وكفايه اوى ان الرسول صلى الله عليه وسلم قال الجنه تحت أقدام الامهات .

بالنسبه للحماه: مش كل الحماوات وحشيين ومش كلهم فاتنات بس لو عملتها زى والدتك ولاقت انك محافظ على بنتها هاتشيلك جوه عنيها وتيجى فى صفك ضد مراتك لو غلطانه ده كفايه انها سبب فى وجود شريكة حياتك وفى الاخر مش كلهم زى بعضهم و مش عارفه اقولك ايه غير أدعى ربنا بقى تكون كويسه.

فلو بصينا فى حياتنا هنلاقى ان الحياه لو رجاله بس مش هاتبقى حلوه ولو ستات بس مش هايبقى ليها طعم ولو كل واحد بص للتانى هيلاقى ان فيه عيوب ومميزات بس هى الحرب الابديه بين الرجل والمرأه واللى ها تسمتر الى ما لا نهايه والمرأه زى الشمس بتمدك بالضوء والدفئ بس لو اتعرضت ليها طول الوقت ها تحرقك وزى القمر شكله جميل انما لو فضلت تبصله كتير هايروح نظرط يا ناضرى ولو بصيت للرجل الناجح هتلاقى ان كانت ورى نجاحه واحده ست سواء كانت جامبه وبتشجعه او كانت سبب فى انه يتعقد برده ويصمم انه ينجح وده بيأكد المقوله اللى بتقول وراء كل رجل عظيم أمرأه…..

وبرده ما حدش يقدر يستغنى عن التانى لان الحياه مقسومه بالنصف بين الاتنين….

وأهم حاجه و أوعوا تنسوها أننا النصف الحلو فى حياتكم….
erw33

مشكووووووووووووووور وردة عل موضوع المميز ورائع اللهيعطكي العافية يا مبدعة شكرااااا

يعطيك العافية مو ضوع حلو

مشكورة للمرور نورتو
عطر الليل
جريح الحب
hghn

» اربع انواع من الازواج
» احدث انواع النظـــــــــــــارات وبمختـــــــــلف الالوان
» حب المرأة !!!!
» عشق المرأة ..
» مصافحة المرأة