راسك علامك رافعه يوم احاكيك
الظاهر اني فوق حجمك عطيتك
لحظه نبي نرجع دقيقه لماضيك
بذكرك في اي حاله لقيـــتك
كان الضياع ودمعتينك تخاويك
منهار وفي عز انهيارك خذيتك
ارخصت عمري لجل احبك واداريك
هدمت قصر الذل فيك وبنيتك
كان الغلا شمعه تنور لياليـك
لو اضلمت دنياك جيت وضويتك
يالاسف كنت امدحك وافتخر فيك
رفعت من شانك وعليت صيتك
كنت انت عندي غيروما اقدر اخليك
واموت واحيا ان قلت سم وفديتك
واليوم اشوفك خنت حتى مباديك
صغرت في عيني وانا اللي هويتك
الضيف لو انو عدو معاديك
غصب عليك تقدره وسط بيتك
يا صاحبي بتموت ماني براجيك
واشره علي ان كان حتى طاريتك
لا صار ذل النفس في قلب يغليك
يلعنك يا قلب عشقك وشريتك
اضحك حبيبي دام وقتك مسليك
باكر تموت من القهرلا نسيتك
بتمنا ينال اعجابكن